Fjellova gir reglar for forvaltinga av statsallmenningane. Lova regulerer retten til allmenningsbruk og gir reglar for val og drift av fjellstyrar og saksbehandlingsreglar der det blir gjort enkeltvedtak. I tillegg tek lova for seg forvaltinga av dei fleste grunneigarrettane, som beite, seterdrift, jakt og fiske.
Det offisielle namnet på lova er lov 6. juni 1975 nr. 31 om utnytting av rettar og lunnende o.a. i statsallmenningane.
Direktoratet for naturforvaltning er klageorgan for enkeltvedtak som fjellstyret har gjort med heimel i fjellova kapittel XI om jakt og fiske. I tillegg har vi utferda ei forskrift om korttypar og prisrammer for fiske, småvilt- og villreinjakt.
Direktoratet for naturforvaltning har eit generelt ansvar for å vurdere behovet for endringar i kapittel XI i fjellova.
Oppdatert: 09.05.2012
