Dette er ei kartteneste til bruk i forvaltninga av leveområda til villreinen. Her kan du sjå data om leveområda til villreinen som kommunar, villreinnemder, villreinutval og fylkesmenn til no har samla.
Opne villreinbaseSiktemålet med Villreinbase er å gi alle aktørar i forvaltninga av villreinområda tilgang på den same informasjonen.
Innsynet er kartbasert, og du får opp eit norgeskart når du startar. Du kan zooma deg inn og ut av kartet, og du kan slå av og på tema alt etter kva du har lyst til å sjå på. Det løner seg å zoome til det området du er interessert i før du slår på tema. Når du har slått på temaknappen, bruker du knappen Oppdater kart. For nokre kartlag kan du sjå på informasjon om det enkelte kartobjekt gjennom i-knappen i kartet.
Ver merksam på at det kan ta noko tid å lasta opp tunge kartlag som beiteklassar og kommuneplanar. Desse datasetta vert ikkje synlege før i målestokkar under 1:100 000. Enkelte andre datasett vert heller ikkje synlege i små målestokkar.
Du kan også laste ned mange av WMS-dataa våre på vektorformat for å lagre og bruke dei på di eiga datamaskin.
Dataa er lagde til rette for fagsystemet Naturbase, som Direktoratet for naturforvaltning eig. Datagrunnlaget er ikkje fullstendig verken geografisk eller tematisk, men det blir arbeidd med å samle data frå alle villreinområda.
Saman med lokale og regionale datasett viser kartklienten òg fram villreindata, inngrepsdata og planinformasjon som nasjonale aktørar – til dømes Norsk institutt for naturforsking, Statens kartverk og Den Norske Turistforening – har samla og lagt til rette.
Oppdatert: 15.02.2010
