For å stimulere til friluftslivsaktivitet gir Direktoratet for naturforvaltning tilskot til lag og organisasjoner på lokalt og sentralt nivå. Tiltak i nærmiljøet og innsats mot barn, unge og grupper som er lite aktive har høg prioritet.
Vi forvaltar tilskotsordninga Tilskot til friluftslivstiltak (Kap 1427 post 74) på statsbudsjettet. Målgruppa for ordninga spenner frå lokale lag og organisasjonar til landsdekkjande frivillige organisasjonar med friluftsliv som arbeidsområde. Midlane skal nyttast til arbeid med og konkrete tiltak til fremje av friluftslivet som utgangspunkt for gode helsevanar og miljøhaldningar. Kvalifiserte tiltak er til dømes:
- tiltak retta mot barn, unge og barnefamiliar
- tiltak som stimulerer nye grupper til deltaking i friluftslivsaktivitetar, til dømes personer som er lite fysisk aktive, har nedsett funksjonsevne og etniske minoritetar i Noreg
- tiltak som bidrar til å utvikle samarbeidet mellom friluftsliv og kulturminnevern
Direktoratet handsamar søknader frå landsdekkjande organisasjonar. Lokale lag og organisasjonar skal sende søknad til kommunen innan 15. desember, medan kommunar og organisasjonar på fylkesnivå skal sende søknaden til fylkeskommunen innan 15. januar. Meir om tilskotsordninga finn du under Tilskot til friluftslivstiltak i høgremenyen.
Døme på tiltak vi har støtta dei siste åra
- Villblomstens dag i regi av Norsk Botanisk Forening. Ein massiv mønstring ein søndag i juni med turar i hele Norden. Målet er å stimulere interessa for den ville floraen i folk sine nærområde. Arrangementet er gratis (sjå lenke til høgre).
- Wild X. Antirasistisk Senter sitt friluftstiltak for ungdom som lever i fleirkulturelle miljø. Målet er at minoritetsungdom skal erobre nye delar av det norske samfunnet og få innblikk i norsk friluftslivstradisjon. Aktivitetane er m. a. førstehjelp, orientering, matlaging utendørs, jakt og fiske (sjå lenke til høgre).
- Kystledarbeidet. Frå Troms til Indre Oslofjord finst det i dag tolv kystleder. Ledene er ein kombinasjon av kyststier og overnattingsstader der fleire berre kan nås med båt. Vi har difor støtta innkjøp av båtar for utleige, i tillegg til generell drift av ledene. Den norske turistforening, Forbundet Kysten og Friluftsrådenes Landsforbund har motteke tilskot til arbeidet (sjå lenke til høgre).
- Læring i friluft. Friluftsråda sitt felles tiltak for å bidra til meir og betre uteaktivitet i barnehage, grunnskole og SFO. Omfattar m. a. idépermar og oversikt over tilbod i dei einskilde friluftsråda. Tilskotet er betalt ut til Friluftsrådenes Landsforbund (sjå lenke til høgre).
- Klart det går. Kursopplegg i friluftsliv for vaksne med ansvar for barn med funksjonshemming. Eit viktig moment har vore å vise vaksne kor enkelt det er å ta med barn med nedsett funksjonsevne ut i naturen. I 2009 vart det gjennomført seks kurs med til saman 92 deltakarar. Ansvarlig for prosjektet er Friluftsrådenes Landsforbund (sjå dokument til høgre).
- Friluftslivets fellesorganisasjon (FRIFO). Paraplyorganisasjonen mottek rammetilskot til å drive mangfoldig aktivitet i eigen regi og i regi av sine 12 medlemsorganisasjonar (sjå lenke til høgre). På denne måten støttar vi m a 4H Noregs treårige prosjekt Aktiv i friluft og Barnas turlag i regi av Den norske Turistforening .
