Her kan du lese meir om Jostedalsbreens nasjonalparksentre som er Jostadalsbreen nasjonalparksenter og Norsk bremuseum.
Like vest for Jostedalsbreen nasjonalpark, mellom steile fjell ved Strynevatnet, ligg Jostedalsbreen nasjonalparksenter.
Utanfor senteret ligg det ein nyopna geologisk park og ein botanisk hage med 400 artar, dei fleste vekst vilt i området. Innomhus kan ein sjå et bildespel frå nasjonalparken og utstillingar om bre og skred, geologi, dyr og planter.
Nasjonalparksenteret vart opna i 1993 og autorisert som nasjonalparksenter i 1997.
Hovedbygninga til Jostedalsbreen Nasjonalparksenter er sett opp etter same prinsipp som eit vikinghus og er omtrent like stor som det største vikinglanghuset som er funne i Noreg. I kontrast til det gamle langhuset ligg kinosalen i moderne stil i polert norsk stein, Larvikitt. Dette symboliserer møtet mellom fortida og framtida; ein må byggje på fortida for å ta vare på framtida.
Tilbod
Organisering
Jostedalsbreen Nasjonalparksenter er organisert som ei stifting med partane: Fylkesmannen i Sogn og Fjordane, Stryn kommune, Høgskulen i Sogn og Fjordane, Norges Geoteknisk Institutt, Den norsk Turistforening, Norsk Botanisk Forening og Nordfjord Folkemuseum.
Is, bre og klima er hovudtema for utstillingane ved Norsk Bremuseum.
Senteret, som ligg i Fjærland på sørsida av Jostedalsbreen, er eit "aktivitetsmuseum" der ein kan gjere eigne eksperiment med 1000 år gamal breis og oppleve Ivo Caprino sin panoramafilm frå Jostedalsbreen.
I juli 2007 opna eit nytt senter i tilknytning til Bremuseet; Ulltveit-Moes senter for klimaviten. Det nye senteret skal gje ei opplevingsreise i klima frå 4 milliardar år sidan og fram til 2100.
Bremuseet vart opna i 1991 og autorisert som nasjonalparksenter for Jostedalsbreen i 1997. Alle bygga ved Bremuseet er signert arkitekt Sverre Fehn.
Målsetting
Føremålet til Norsk Bremuseum er å samle, skape og spreie kunnskap om snø, is og brear. Stiftinga si verksemd omfattar både naturvitskaplege og kulturhistoriske fagfelt. Bremuseet skal dekke eit informasjonsbehov både for dei som kan lite om brear og klima og dei som har mykje kunnskap om desse tema.
Tilbod
Organisering
Norsk Bremuseum er ei privat stifting oppretta i 1989 av Den Norske Turistforening, International Glaciological Society, Norges vassdrags- og energidirektorat, Norsk Polarinstitutt, Høgskulen i Sogn og Fjordane, Universitetet i Bergen og Universitetet i Oslo.
